దీపావళి తర్వాత దేశంలో అత్యంత వేడుకగా జరుపుకునే పండుగల్లో హోలీ పండుగ [Holi Festival] ఒకటి. ఈ పండుగ సత్య యుగం నుంచి జరుపుకుంటున్నట్లు హిందూ పురాణాలు తెలుపుతున్నాయి. హోలీ అంటే అగ్ని లేదా అగ్నితో పునీతమైనది అని అర్థం. హోలీ రోజు నుంచి వసంత కాలం ప్రారంభమవుతుంది. చలి కాలం ముగిసి వసంత రుతువుకి ఆహ్వానం పలకడం కూడా ఆ రోజు నుంచే మొదలవుతుంది.
హోలీ పండుగ ఎప్పుడు జరుపుకోవాలి?
ప్రతి సంవత్సరం ఫాల్గుణ మాసం శుక్లం పక్షం పౌర్ణమి రోజున హోలీ జరుపుకుంటారు. ఈ సంవత్సరం హోలీని మార్చి 25 సోమవారం రోజు జరుపుకోనున్నారు. దాని ముందు రోజు అంటే మార్చి 24వ తేదీ ఆదివారం రోజున హోలీకా దహన్ జరుపుకోనున్నారు.
దృక్ పంచాంగ ప్రకారం పౌర్ణమి తిథి మార్చి 24 ఉదయం 9 గంటల 54 నిమిషాలకు ప్రారంభమయ్యి.. మార్చి 25 మధ్యాహ్నం 12 గంటల 29 నిమిషాలకు ముగియనుంది.
